ज्युनियर एनटीआरचा केवळ दक्षिणेतच नाही तर देशभरात मोठा चाहतावर्ग आहे. त्याची एक झलक पाहण्यासाठी चाहते आतुर असतात. ऑस्कर पुरस्कारानंतर तो जेव्हा भारतात परतला, तेव्हासुद्धा विमानतळावर असंख्य चाहत्यांनी गर्दी केली होती.
Junior NTR
Image Credit source: Twitter
हैदराबाद : एस. एस. राजामौली यांच्या RRR या चित्रपटातील ‘नाटू नाटू’ गाण्याने ऑस्कर पुरस्कार पटकावला. लॉस एंजिलिसमधील या प्रतिष्ठित पुरस्कार सोहळ्याला हजेरी लावल्यानंतर साऊथ सुपरस्टार ज्युनियर एनटीआर नुकताच भारतात परतला. यावेळी विमानतळावर चाहत्यांनी तुफान गर्दी केली होती. त्यानंतर ज्युनियर एनटीआरने हैदराबादमधील एका कार्यक्रमाला हजेरी लावली. या कार्यक्रमात त्याने केलेल्या एका वक्तव्याची सध्या जोरदार चर्चा होत आहे. हा तोच कार्यक्रम आहे, ज्यामध्ये एका चाहत्याने ज्युनियर एनटीआरला मागून घेरलं होतं. या घटनेचा व्हिडीओ सोशल मीडियावर तुफान व्हायरल झाला.
