May 19, 2022

स्वाभिमानी शेतकरी संघटनेचे रास्तारोको आंदोलन

Read Time:1 Minute, 45 Second

परभणी : शेतक-यांना विविध प्रश्नांवर स्वाभिमानी शेतकरी संघटनेच्या पदाधिका-याांसह कार्यकर्त्यांनी शुक्रवारी, दि.२५ रोजी वसमत रस्त्यावरील विद्यापीठ प्रवेशद्वारासमोर जोरदार रास्ता रोको आंदोलन केले.

जिल्ह्यातील पीक कर्ज वाटपाची गती वाढवण्यात यावी. जाचक अटी, नियम व कागदपत्रांची मागणी बंद करावी. महात्मा ज्योतिबा फुले कर्जमाफी योजना रडखडली आहे. या योजनेनुसार पात्र शेतक-यांना लवकरात लवकर लाभ द्यावा अशी मागणी यावेळी करण्यात आली.

या आंदोलनात किशोर ढगे, गजानन तुरे, भास्कर खटिंग, केशव आरमळ, मुंजाभाऊ लोंढे, दिगंबर पवार, शेख जाफर तरोडेकर, रामेश्वर आवरगंड, उद्धव जवंजाळ, मधुकर चोपडे, अजय खटिंग, राम दुधाटे, गजानन खंटिंग, काशिनाथ शिंदे, माऊली शिंदे, रामप्रसाद गमे, आदींनी सहभाग नोंदवला होता.

आंदोलनकर्त्यांनी रास्तारोको करीत सरकारच्या विरोधात जोरदार घोषणाबाजी करीत तब्बल अर्धा तास महामार्गावर ठिय्या दिला होता. याच ठिकाणी आंदोलनकर्त्यांनी भोजनाचा आस्वादही घेतला. या आंदोलनामुळे वसमत रस्त्यावर वाहनांच्या दोन्ही बाजुने रांगा लागल्या होत्या.

Leave a Reply

Your email address will not be published.

three × one =

Close