राज्यात बाधितांपेक्षा कोरोनामुक्तांची संख्या अधिक

मुंबई : गेल्या दोन महिन्यांमध्ये महाराष्ट्रात मोठ्या प्रमाणावर रुग्णसंख्येत वाढ झाल्याचे पाहायला मिळत आहे. सातत्याने वाढणा-या बाधितांच्या संख्येसोबतच राज्यात मृतांचा आकडा देखील वाढताच राहिला आहे. मात्र, गेल्या काही दिवसांमध्ये राज्याच्या आरोग्य विभागाकडून देण्यात येत असलेल्या आकडेवारीमध्ये काहीसे दिलासादायक चित्र दिसू लागले आहे. गुरुवारच्या आकडेवारीनुसार राज्यात ४२,५८२ नवे कोरोनाबाधित तर ५४,५३५ डिस्चार्ज नोंदवण्यात आले होते. शुक्रवारी नव्या कोरोनाबाधितांच्या संख्येत अजून घट झाल्याचे दिसून आले.