August 19, 2022

राज्यात बाधितांपेक्षा कोरोनामुक्तांची संख्या अधिक

Read Time:1 Minute, 57 Second

मुंबई : गेल्या दोन महिन्यांमध्ये महाराष्ट्रात मोठ्या प्रमाणावर रुग्णसंख्येत वाढ झाल्याचे पाहायला मिळत आहे. सातत्याने वाढणा-या बाधितांच्या संख्येसोबतच राज्यात मृतांचा आकडा देखील वाढताच राहिला आहे. मात्र, गेल्या काही दिवसांमध्ये राज्याच्या आरोग्य विभागाकडून देण्यात येत असलेल्या आकडेवारीमध्ये काहीसे दिलासादायक चित्र दिसू लागले आहे. गुरुवारच्या आकडेवारीनुसार राज्यात ४२,५८२ नवे कोरोनाबाधित तर ५४,५३५ डिस्चार्ज नोंदवण्यात आले होते. शुक्रवारी नव्या कोरोनाबाधितांच्या संख्येत अजून घट झाल्याचे दिसून आले.

आजच्या आकडेवारीनुसार राज्यात ३९ हजार ९२३ नवे करोनाबाधित आढळले असून ५३ हजार २४९ रुग्ण बरे होऊन घरी परतले आहेत. गेल्या काही दिवसांमध्य हे प्रमाण वाढल्यामुळे राज्याचा रिकव्हरी रेट आता ८८.६८ टक्क्यांवर गेला आहे.
शुक्रवारच्या नव्या आकडेवारीनंतर राज्यात आत्तापर्यंत सापडलेल्या कोरोनाबाधितांचा आकडा ५३ लाख ९ हजार २१५ इतका झाला आहे, तर त्यातल्या ४७ लाख ७ हजार ९८० रुग्णांनी कोरोनावर यशस्वीपणे मात केली आहे. यापैकी सध्या राज्यात ५ लाख १९ हजार २५४ अ‍ॅक्टिव्ह रुग्ण उपचार घेत आहेत.

Leave a Reply

Your email address will not be published.

5 × two =

Close