राष्ट्रवादी कॉंग्रेसचे खासदार तथा स्टार प्रचारक डॉ. अमोल कोल्हे काहीकाळ एकांतवासात जात असल्याचे त्यांनी जाहीर केले. समाजमाध्यमावर एक पोस्ट शेअर करत त्यांनि एकांतवासात जात असल्याचे सांगीतले आहे.

सिंहावलोकनाची वेळ, गेल्या काही दिवसांत, महिन्यांत आणि वर्षभरात बेभान धावत राहिलो. काही टोकाचे निर्णय घेतलेत, अनपेक्षित पावलंही ऊचलली. पण हे सगळं जुळवतांना प्रचंड ओढाताण झाली. तारेवरची कसरत, वेळेची गणित यामध्ये प्रचंड ताणतणाव आला. यादरम्यान शारिरीक आणि मानसिक थकवा आला.

शारीरीक थकवा आरामाने निघुन जाईल, मात्र मानसिक तणाव कमी करण्यासाठी काही काळ शांततेत घालवण्याची गरज आहे. घेतलेल्या काही निर्णयांवर, ऊचललेल्या टोकाच्या पाऊलांवर विचार करण्याची, चिंतन करण्याची गरज आहे. त्यामुळे काहीकाळ एकांतवासात जात असल्याचे अमोल कोल्हेंनी म्हटले आहे.

एकांतवासात जात असल्यामुळे ‍काही काळ संपर्कात राहु शकणार नाही. मात्र लवकरच पुन्हा नव्या जोशाने आणि नव्या जोमाने कामाला लागायचे आहे असेसुद्धा अमोल कोल्हे म्हणालेत.